嫁 娶 講 好 話 
新郎緣投有智慧,
新娘可愛又古錐,
今暗二人卜作堆,
明年生著李登輝。
手牽手,
天長地久。
喙抵喙,
萬年富貴。
恭喜恭喜真恭喜,
新郎才華了不起,
新娘賢慧通鄉里,
二人適配無地比。
食恁一支菸,
互恁尪某年年春,
食恁一杯茶,
互恁年底生雙個。
新郎徛乎在,
秘訣報你知。
聽某嘴大富貴,
若無著知害。
尪某感情糖蜜甜,
二人牽手出頭天。
闔家平安大賺錢,
囝孫富貴萬萬年。
今天好日子,
兩家結連理。
新郎歹勢頭一擺,
心肝緊張必卜踩,
新娘人佇蠓罩內,
大門開開做你來。
茶杯捧懸懸,
囝孫中狀元。
茶杯捧落低,
趁錢無地下。
茶杯捧過來,
互你大發財。(中秀才)
茶杯捧過去,
尪某有福氣。
茶甌圓圓圓,
囝婿倌賢趁,
新娘倌賢拑,
一家團團圓,
富貴萬萬年。
我看茶盤真正重,
新娘不通家已捧,
著叫新郎鬥相工,
尪某協力相幫忙。
茶盤金金,
茶甌深深,
新郎新娘無相唚,
這杯燒酒我唔飲。
兩家來合婚,
日日有錢春。
互恁大家官,
雙手抱雙孫。
新娘娶入厝,
家財年年富,
今年娶新婦,
明年變豬牛。
新娘賢化妝,
學問真相當,
台語會曉講,
英語嘛會通。
今日娶新婦,
入門蔭丈夫。
明年起大厝,
珠寶歸身軀。
卜食新娘一杯茶,
互恁一年生雙個。
一個手裡抱,
一個土腳爬。
大家緊起行,
互姻去輸贏。
著愛較打拼,
連鞭做阿娘。
民主時代,自由戀愛,
免人紹介,雙人意愛。
天地配合,成雙成對,
夫唱夫隨,萬年富貴。
食一嘴,互你榮華兼富貴。
食一塊,互你有田園閣有田契。
酒飲落喉,互你庇蔭(ti im)好後頭。
食乎濟濟,互你賺錢不地(te)下。
○老師,尪賢賺,某賢據,互你田園學百外坵。
茶甌深深,新郎新娘若唔相唚,職杯燒酒阮不飲。
茶甌深深,新郎新娘唔相唚,尪某才會共心。
大家食乎飽,以後生子才會乖巧。
金錢(燒酒)大家愛,互你娶著好太太。
敬你一杯燒酒,互你娶著好牽手。
燒酒乾一杯,互你賺錢,親像錢樹咧開花。