風微微，風微微，孤單悶悶在池邊。
水蓮花滿滿是，靜靜等待露水滴。
啊..... 啊....阮是思念郎君伊。
暗相思無講起，要講驚兄心懷疑。

月光暝，月光暝，夜夜思君到深更。
心消瘦無元氣，為君唱出斷腸詩。
啊.....啊.....蝴蝶弄花也有時。
孤單阮薄命花，親像瓊花無一暝。

月斜西，月斜西，真情思君君不知。
青春欉誰人害，變成落葉相思栽。
啊....啊..... 追想郎君的真愛。
獻笑容暗悲哀，期待陽春花開。

希望純情結成好鴛鴦，無疑環境阻礙阮自由。
秋風夜雨也無替阮想，那通歸暝迫阮添憂愁。
啊∼思思念念，一日如三秋。

風雨淒涼已經是秋分，離開故鄉猶原這時拵。
彼時約束望你相信阮，堅心為你保守阮青春。
啊∼阮是可比海上小帆船。

河邊春風寒，怎樣阮孤單，舉頭一下看，幸福人做伴。
想起伊對我，實在是相瞞，到底是按怎，毋知阮心肝。
昔日在河邊，遊賞彼當時，實情佮實意，可比月當圓。
想伊做一時，將阮來放離，乎阮若想起，恨伊薄情義。
秋天還未過，樹葉落滿地，無情少年家，可恨你一個。
花開你欲採，花枝你無愛，自己想看覓，良心提出來。
四邊又寂靜，聽見鳥悲聲，目睭看橋頂，目屎滴胸前。
自恨歹環境，自嘆我薄命，雖然春風冷，難得冷實情。

若是黃昏月亮要出來時，加添阮心內悲哀。
你要甲阮離開彼一日，也是月亮要出來的時。
阮只好來拜託月亮，替阮講乎你知。
講阮每日悲傷流目屎，希望你早一日返來。

孤夜無伴守燈下，清風對面吹。
十七八歲未出嫁，遇到少年家。
果然標緻面肉白，誰家人子弟。
想要問伊驚歹勢，心內彈琵琶。

想要郎君做夫婿，意愛在心內。
等待何時君來採，青春花當開。
聽見外面有人來，開門甲看覓。
月亮笑阮是戇大呆，乎風騙不知。

花落土，花落土，有誰人可看顧。
無情風雨，誤阮前途，花蕊凋落要如何。

雨無情，雨無情，無想阮的前途。
並無看顧，軟弱心性，使阮前途失光明。

雨水滴，雨水滴，引阮入受難池。
怎樣使阮，離葉離枝，永遠無人可看見。

戀愛夢被人來拆破，送君離別啊，港風對面寒。
真情真愛父母無開化，毋知少年啊，熱情的心肝。

自由夢被人來所害，快樂未透啊，隨時變悲哀。
港邊惜別天星像目屎，傷心今暝啊，要來分東西。

青春夢被人來打醒，美滿春色啊，變成黑陰天。
港邊海鳥不知阮分離，聲聲句句啊，吟出斷腸詩。